دیموکراسی و یەکسانی جێندەری

دیموکراسی و یەکسانی جێندەری چەقی پرۆسەی دیموکراسی بریتیە لە بەشداری ژن ، سروشت و ریِژەی بەشداری ژنیش ئاماژە پێد ەری سەرە کیە لە کواڵیتی کلتووری دیموکراسی . لەم ڕوانگەیەوئەگەر هاتوو دیموکراسی بەشداری ژنی وەلاخست و هەوڵی دا کە گوێ لە دەنگی ژن نەگرێت ، و یان خۆی گێلکرد لە پرسی مافەکانی ژن ، ئەو کاتە دیموکراسی تەنها بۆ نێوەی هاونیشتیمانیانە. لەبەر ئەوە دیموکراسی دادەنرێت بە بزووێنەری یەکسانی جێندەری چونکە لە توانایدایە فەزایەکی گشتی بۆ ژن فەراهەم بکات بۆ گفتوگۆ و لەسەر مافەکانی و پرۆسەی توناسازی ، وئاسانکاری دەکات بۆ ژن بۆئەوەی بتوانن پراکتیکی مافە سیاسی و مەدەنی و ئابووری کۆمەڵایەتیەکانی بکات.پەیوەندیەکی بەهێزیش هەیە لە نیوان بەشداری سیاسی و مافەکانی ژن بنیاتنانی دیموکراسی. ئەگەر ژن دیموکراسی پێویست بێت بۆ گەشەکردن ونەشونماکردن ، ئەوا لە هەمان کاتدا دیموکراسیش پێویستی بە ژن دەبێت بۆ ئەوەی بەردەوام نوێنەر و وچالاک بێت بۆ گۆڕانکاری. هەروەها دەتوانین بڵین کواڵیتی دیموکراسیش تەنها لەرێگەی بوونی دامەزراوەکان دیاری ناکرێت بەڵکو لە رێگەی مەودای فراوانی بەشداریکردنی گروپە جیاوازەکانی کۆمەڵگا دەبێت لەو دامەزراوانەدا.لێرەدا دەبینین جۆری کۆمەڵایەتی بۆ دیموکراسی زۆر گرنگە و ئامادەنەبوونی ژن لە ژیانی سیاسی دەبێتەهۆی سازدانی دیموکراسی بەڕوویەکی نێرینە وەیان "دیموکراسی نێرینە"کە جۆرێکی ناتەواوی پرۆسەی دیموکراسیە سەرهەڵدەدات. لەلایەکی دیکەوە ئەمڕۆ لەسەرانسەری جیهاندا ژنانی مۆدێرن و سەردەم ڕۆَڵی سەرەکی دەبینن لە لە دیموکراسی و گۆڕرانکاری لە کلتووردا، و سەرهەڵدانی بزووتنەوەکانی ژنان و دیموکراسی شان بەشانی یەک بوون ، وة دوو پرۆسەی بەیەکداچوون و پشت بەیەک دەبەستن و جیاکردنەوەی ئەم دوو دەستەواژەیە لە ڕووی سیاسیەوە مەترسی دارە. شایةنی باسە دەکرێت ژن باجی گەورە بدات لەکاتی کارپێکردنی پرۆسەی دیموکراسی بەبێ بوونی دامەزراوەیکی بەهێز و بنەمایەکی بتەو بۆ یەکسانی وماف بۆسەرجەم هاوەڵاتیان.لەم دۆخەنەدا ئەو پارتەی بنەماکەی لەسەر کلتووری باوکایەتی بێت دەکرێت دەستی بگات بەدەسەڵات لە رێگەی هەڵبژاردنێکی ئازاد و دواتر سەردەکێشی بۆ دوورخستنەوەی ژن بۆ هاونیشتمانی پلە دوو. ئا. ئیراد منوچر سان احمد